Li Adiyemanê kandêlkirina tiriyê Besniyê dest pê kir ku berhemekî bajêr ê tescîlkirî ye û wekî "tiriyê Pêxemberan" jî tê zanîn.
Tiriyê ku li navçeyên Besnî û Golbaşiyê hêşîn dibe û bêtir wekî mewûj tê bikaranîn, dahateke sereke ya hilberînerên herêmê ye.
Hilberînerên ku ji ber şexteya par zirar dîtibûn, îsal kêfxweş in ku ber û berhemdariya îsal ji par baştir e.
Ayhan Ulakçiyê Mixtarê gundê Çorakê ji nûçegihanê AAyê ra diyar kir ku ji tiriyan ew îsal li benda rekolteyeke baştir in.
Ulakçi bal kişand ku tiriyê Besniyê tameke taybet a navçeyê ye û destnîşan kir ku ev berhem tenê li deverên diyar tê çandin.
Ulakçi destnîşan kir ku par ji ber şexteyê wan gelekî zirar kir lê îsal ber û berhemdarî pir baştir e.
Cafer Ulakçiyê ku nêzî 40 salan e hilberîneriya tiriyan dike jî diyar kir ku îsal berhemdarî baş e lêbelê di mijara firotinê da pirsgirêka wan heye.
Hilberîner Mehmet Salman jî diyar kir ku tiriyê Besniyê xwedî tam û aromayeke taybet e û di vê demsalê da berhemdariya rezên wî, zêde ye.
