Бројот на загинати во поплавите во Непал и Кина достигна 1.400, над 5.800 се водат како исчезнати

Бројот на жртви од катастрофалните поплави и лизгањето на земјиштето што ја погодија границата меѓу Непал и Кина кон крајот на минатиот месец се искачи на 1.400, а над 5.800 сè уште се водат како исчезнати, покажа денешната официјална статистика, јавува Анадолу.

Од исчезнатите, 848 се странци, според официјалните бројки и од Непал и од Кина.

Околу 1.357 тела се извлечени од областите погодени од поплавите во Непал, додека 5.326 лица, вклучувајќи 587 странци, сè уште се водат како исчезнати, според Националниот орган за намалување и управување со ризици од катастрофи на Непал.

Досега се спасени над 13.500 лица.

Бројот на жртви од масовните лизгања на земјиштето во југозападниот кинески автономен регион Сизанг, познат и како Тибет, изнесуваше 43, а 519 сè уште се водат како исчезнати.

Кина денес испрати четврта пратка итна помош во Непал.

Портпаролот на Министерството за надворешни работи, Мао Нинг, им рече на новинарите во Пекинг дека Кина ќе продолжи цврсто да стои со Непал за заедничко надминување на тешкотиите.