Израелските сили извршија нов упад во јужна Сирија со 9 воени возила

Израелската Армија денес извршила нов упад во руралниот дел на јужната сириска провинција Дера со девет воени возила, објавија локалните медиуми, пренесува Анадолу.

Израелските воени возила влегле во областа Вади ел Ракад, објави сириската телевизија „Ал-Ихбарија“, без да даде дополнителни детали за природата на нивното движење.

Вади ел Ракад се наоѓа во областа на Јармукскиот Басен, во руралниот дел на Дера, и во последните месеци беше сведок на повеќекратни израелски упади и воени движења.

Јужна Сирија е сведок на повторени израелски упади по падот на режимот на Башар ал Асад на 8 декември 2024 година, кога Израел соопшти дека Договорот за раздвојување на силите од 1974 година е престанат да важи и ја окупираше сириската тампон-зона и други области.

Дамаск бара Тел Авив да се повлече до линиите што ги контролираше пред 8 декември 2024 година и повторно ја потврди својата посветеност на Договорот за раздвојување на силите од 1974 година.