Партијата ПАМ води на парламентарните избори во Мароко со 97 места

Мароканската Партија на автентичноста и модерноста (ПАМ) се појави како водечка партија на законодавните избори во земјата, обезбедувајќи 97 места, според резултатите објавени од Министерството за внатрешни работи, јавува Анадолу.

Следува Националниот собир на независни (РНИ) со 66 места, додека партијата Истиклал освои 65 места.

Партијата за правда и развој (ПЈД) се пласираше на четвртото место со 54 места.

Резултатите го одредуваат составот на Претставничкиот дом на Мароко, кој брои 395 члена.

Според уставниот систем на земјата, кралот го назначува шефот на Владата од партијата што ќе освои најголем број места.

Министерството соопшти дека излезноста на гласачите изнесувала 38 % на национално ниво.