Постои голема веројатност Ел Нињо да достигне рекордно ниво

Според Националната океанска и атмосферска администрација на САД (НОАА), се очекува Ел Нињо на крајот на есента и почетокот на зимата да достигне врв со поголем интензитет од претходно предвидениот, додека веројатноста да биде најсилен ваков настан во записите што датираат до 1950 година изнесува околу 70 отсто, пренесува Анадолу.

Според написот на Си-ен-ен, базиран врз последните прогнози на НОАА, условите за Ел Нињо продолжуваат брзо да се интензивираат.

Според тоа, се посочува дека Ел Нињо, за кој се очекува на крајот на есента и почетокот на зимата да достигне врв со поголем интензитет од претходно предвидениот, се движи кон интензитет што би можел да „собори рекорд“.

Според НОАА, веројатноста Ел Нињо да биде најсилен забележан настан во записите што датираат до 1950 година изнесува околу 70 отсто, а се очекува да го надмине и Супер Ел Нињо од 1982-1983 година.

Експертите предупредуваат дека ефектите од глобалното затоплување, во комбинација со Ел Нињо, би можеле да доведат до зголемување на интензитетот на топлотните бранови и природните катастрофи.

Поради интензитетот на Ел Нињо што се очекува да се случи, речиси со сигурност се смета дека 2027 година ќе го собори рекордот за најтопла година досега забележана, додека се смета дека и 2026 година би можела да го собори овој рекорд.

- Временските појави Ел Нињо и Ла Ниња -

Временската појава Ел Нињо во Тихиот Океан предизвикува зголемување на температурите, особено во регионите што се наоѓаат покрај океаните, но и во светот во целина.

Ла Ниња, која може да се опише како спротивна појава, значи постудени временски услови за светот.

Во периодот на премин меѓу Ел Нињо и Ла Ниња преовладуваат неутрални, односно природни временски услови.