Besimtarët ortodoks fillojnë me kremtimin e festës së Buzmit

Besimtarët e krishterë ortodoksë në Maqedoninë e Veriut sot kremtojnë Buzmin, një ditë para Krishtlindjes, raporton Anadolu Agency (AA).

Me këtë rast, besimtarët në Maqedoninë e Veriut tradicionalisht festën e Buzmit e kremtojnë duke u tubuar në tempujt e Kishës Ortodokse Maqedonase (KOM), e cila filloi me himnin e dhe ngritjen e flamurit të Buzmit.

Në manifestimin e Kishës "Shën Klimenti i Ohrit" në Shkup morën pjesë një numër i madh i qytetarëve, ndërsa priftërinjtë e kishës bënë shugurimin e degëve të pemës së Buzmit.

Pasi u shuguruan degëzat e Buzmit, ato iu shpërndanë besimtarëve.

Në kuadër të festës tradicionale të Buzmit, e cila këtë vit u mbajt për të 30-tën herë, kreu i KOM-it, Stefani, ua dorëzoi kavanozin e Buzmit kumbarëve të rinj, të cilët mbërritën në festë me karroca, si dhe u shugurua pogaçja.