"Droni amerikan vret 6 civilë në Somali"

Sulmi ajror i një droni amerikan në Somali të martën ka vrarë së paku 6 civilë, përfshirë një djalë 13-vjeçar, bëri të ditur një deputet somalez, transmeton Anadolu Agency (AA).

"Sulmi ajror i Komandës Afrikane të SHBA-ve në qytetin Janale në rajonin Shabelle e Poshtme të Somalisë vrau të paktën 6 civilë të paarmatosur, të cilët po udhëtonin për në kryeqytetin Mogadishu", tha deputeti Mahad Dhoore për mediat lokale.

"Sulmi ajror i Komandës Afrikane të SHBA-së (AFRICOM) goditi një minibus duke transportuar civilë të pafajshëm të paarmatosur në Janale", u citua të ketë thënë Dhoore.

Gjashtë civilët u vranë nga sulmi ajror amerikan përfshirë një 13-vjeçar që po udhëtonte me familjen e tij, shtoi ai.

AFRICOM lëshoi një deklaratë duke thënë se sulmi ajror vrau 5 terroristë të Al-Shabaab, duke shtuar se kishin marrë masa për të shmangur viktimat civile.

"Derisa aktualisht vlerësojmë se ky sulm ajror nuk ka lënduar civilë, ne jemi të vetëdijshëm për raportet e mediave sociale që pretendojnë viktima civile që rezultojnë nga ky sulm. Komanda e Afrikës Amerikane pajtohet me ligjin e konfliktit të armatosur dhe merr të gjitha masat paraprake të mundshme gjatë procesit të synimit për të minimizuar viktimat civile dhe dëmet tjera kolaterale", tha AFRICOM në një deklaratë.