Gazetarët ekspozojnë regjimin e Assad-it me koston e jetës së tyre

Gazetarët në Siri, të cilët përpiqen të dokumentojnë krimet e kryera nga regjimi i Bashar al-Assad-it, vriten ose plagosen vazhdimisht.

Siria është përfshirë në një luftë civile që nga viti 2011 kur regjimi goditi protestuesit pro-demokratik.

Abdulkadir Bekri, një gazetar i pavarur, në vitin 2022 filloi të raportonte për demonstratat paqësore në Idlib, në veriperëndim të Sirisë. Që atëherë, ai ka parë bombardime, migrim të civilëve dhe vuajtje të vazhdueshme të njerëzve.

Bekri tha se ai u ndikua nga një sulm kimik i regjimit në Khan Shaykhun në prill të vitit 2017.

"Ne shkuam në vendin e ngjarjes për të dokumentuar sulmin, ishte gaz sarin dhe madje qëndrimi për gjashtë sekonda në skenë ishte i padurueshëm", tha ai për Anadolu Agency (AA).

"Së pari shoku im Abed Kantar u ndikua. Pasi e çova në spital, edhe unë u sëmura dhe qëndrova pa ndjenja në kujdes intensiv për dy ditë. Familja ime më tha se kisha kriza të vazhdueshme", rikujton ai.

Ai tha se punonjësit e medias që u përpoqën të dokumentonin situatën në terren u ishin nënshtruar kërcënimeve dhe madje u vranë, por shtoi se ai do të vazhdojë të ekspozojë regjimin, madje edhe me koston e jetës së tij.

Saif Abdullah, një gazetar i pavarur në qytetin Hama i cili u plagos në këmbë, tha se shumë gazetarë u vunë në shënjestër dhe u ndaluan në fillim të luftës civile.

Ai tha se ata u bombarduan në vitin 2017.

"Shoku ynë Abu Yazid vdiq. Unë dhe tre miqtë e mi të tjerë u plagosëm", tha ai, duke shtuar: "Plagoska ndikoi negativisht në jetën time profesionale dhe personale".

Deri më tani, qindra mijëra njerëz janë vrarë dhe miliona të tjerë u zhvendosën shkaku i konfliktit.

709 gazetarë të vrarë,1.571 të plagosur

Të paktën 709 punëtorë të medias, 551 prej tyre nga forcat e regjimit, u vranë nga marsi i vitit 2011 deri më tani, sipas Rrjetit Sirian për të Drejtat e Njeriut.

Përderisa 9 prej gazetarëve të vrarë ishin shtetas të huaj, në këtë periudhë u plagosën gjithashtu të paktën 1.571 punonjës mediatikë.

Nga gjithasej 1.183 punonjësit mediatikë të ndaluar, 427 janë ende duke pritur lirimin e tyre.

Në mesin e gazetarëve të vrarë janë gjithashtu edhe 4 gazetarë të AA-së.