Indonezi, 70 të vdekur nga përmbytjet

Gjatë përmbytjeve që si pasojë e reshjeve të shiut nga dje përfshinë provincën Papuu të Indonezisë kanë humbur jetën 70 persona, raporton Anadolu Agency (AA).

Zyrtarët lokalë njoftuan se në rajonin Sentani për vdekje kanë pësuar 63 persona, ndërsa në Amperi shtatë të tjerë.

Janë evakuar më shumë se tre mijë persona. Aksioni për shpëtimin në këtë rajon edhe më tej është duke zgjatur, ndërsa zyrtarët lokalë druajnë për rritjen e numrit të viktimave.

Janë ngritur aksione edhe për ofrimin e ndihmave për banorët e evakuar.

Në përmbytjet dhe rrëshqitjet e dheut si pasojë e reshjeve të mëdha që në janar përfshinë provincën e Sulawesit Jugor për vdekje pësuan 68 persona.