Irak, 100 të vdekur në protesta brenda gjashtë ditëve

Është rritur në 100 numri i të vdekurve gjatë protestave antiqeveritare që vazhdojnë në Irak nga dita e premte, njoftoi Komisioni i Lartë për të Drejtat e Njeriut pranë Kuvendit të Irakut, transmeton Anadolu Agency (AA).

Në një deklaratë, komisioni tha se brenda gjashtë ditëve, 5.500 persona, përfshirë protestues dhe pjesëtarë të forcave të sigurisë, po ashtu janë plagosur gjatë trazirave.

Irakianët po zhvillojnë protesta në rajone të ndryshme të vendit me qëllim për të shprehur revoltën kundër papunësisë, varfërisë dhe mangësive në shërbimin publik.

Protestat e nisura më 1 tetor u ndërprenë për shkak të ceremonive Arbain dhe më pas filluan sërish të premten.