Kinë, 10 të vdekur nga zjarri në një ndërtesë

Të paktën 10 persona kanë humbur jetën dhe 9 të tjerë janë plagosur nga zjarri që shpërtheu në një ndërtesë banimi në Urumqi, kryeqytetin e Xinjiangut, provinca autonome në veriperëndim të Kinës, transmeton Anadolu Agency (AA).

Zjarri përfshiu një ndërtesë banimi shumëkatëshe në qarkun Tianshan të Urumqit të enjten vonë në mbrëmje, njoftoi sot Agjencia e Lajmeve Xinhua.

Ekipet zjarrfikëse dhe ekipet e shpëtimit evakuuan ndërtesën dhe shuan zjarrin. Autoritetet lokale kanë nisur hetimet për të përcaktuar shkakun e zjarrit.