Në sulmin e ushtrisë siriane në Halep humbën jetën 5 civilë

Në sulmin e ushtrisë siriane në fshatin Kefernuran në perëndim të provincës Halep, 5 civilë nga e njëjta familje humbën jetën dhe një tjetër u plagos, transmeton Anadolu.

Ushtria siriane e vendosur në fshatin Keferhalep të Halepit dhe grupet e huaja terroriste të mbështetura nga Irani sulmuan fshatin Kefernuran në perëndim të Halepit me armë tokë-tokë.

Sipas informacionit të marrë nga burime të Mbrojtjes Civile, nga sulmi kanë humbur jetën 5 civilë, mes të cilëve 3 gra nga e njëjta familje dhe një civil është plagosur.

- Situata në Idlib

Në takimin e Astanës në vitin 2017, Türkiye, Rusia dhe Irani vendosën të krijojnë 4 "zona deeskalimi" në zonën që nuk është nën kontrollin e administratës siriane.

Administrata e Damaskut, terroristët e mbështetur nga Irani dhe Rusia vazhduan sulmet e tyre, pushtuan 3 nga 4 rajone dhe u nisën drejt Idlibit.

Megjithëse Türkiye arriti marrëveshje shtesë me Rusinë për të forcuar armëpushimin në shtator 2018, sulmet u intensifikuan përsëri në maj 2019. Pas marrëveshjes së re të arritur nga Türkiye dhe Rusia më 5 mars 2020, armëpushimi respektohet kryesisht.

Rreth 2 milionë civilë që shpëtuan nga sulmet në periudhën 2017-2020 u detyruan të migrojnë në rajone afër kufirit turk.