Pompeo: SHBA i kupton shqetësimet e Turqisë

RIAD (AA) – Sekretari amerikan i Shtetit, Mike Pompeo, sot tha se Washingtoni i kupton shqetësimet e Turqisë dhe përpjekjet e saj për të mbrojtur kufijtë dhe njerëzit e saj, transmeton Anadolu Agency (AA).

Në një intervistë për televizionin Al Arabiya të financuar nga sauditët, Pompeo tha se SHBA kërkon përgjegjësi për ata që janë të përfshirë në vrasjen e gazetarit saudit, Jamal Khashoggi, i cili u vra në Konsullatën Saudite në Stamboll në tetor.

Pompeo aktualisht qëndron për vizitë në Emiratet e Bashkuara Arabe (EBA) si pjesë e një turneu në Lindjen e Mesme.

Ai tha se presidenti i SHBA-ve, Donald Trump, refuzon të kufizojë lidhjet me Arabinë Saudite ndaj çështjes së Khashoggit.

Pompeo tha se Trump e konsideron mbretërinë një "aleat kyç" për Shtetet e Bashkuara të Amerikës dhe partneriteti i tyre do të vazhdojë.

Khashoggi, një rezident i SHBA-ve, hyri në Konsullatën Saudite në Stamboll duke kërkuar dokumente që do ta lejonin atë të martohej me të fejuarën e tij turke, Hatice Cengiz.

Trupi i tij ende nuk është gjetur në mes të raportimeve se është shpërbërë dhe tretur kimikisht.

Arabia Saudite ka akuzuar 11 persona për vrasjen e Khashoggit dhe po kërkon dënimin me vdekje për pesë të dyshuar. Por kritikët thonë se pas një qortimi ndërkombëtar individët po marrin fajin e operacionit të princit të kurorës, Mohammed bin Salman.