Proces gjyqësor kundër Twitter-it dhe drejtorit të kompanisë në Francë

Në Francë po zhvillohet proces gjyqësor kundër Twitter-it dhe drejtorit të kompanisë në këtë vend, Damien Viel për "fyerje publike dhe mospërkrahje të drejtësisë", transmeton Anadolu Agency (AA).

Dje gjykata në Versaillesi me arsyetimin se guvernatori i Yvelines në mars 2021 shkroi në Twitter, se Twitteri nuk ndau informacionin e dy përdoruesve të cilët krahasuan kontrollet e shtetrrethimit të zbatuara për shkak të COVID-19 me "praktikat naziste" me autoritetet, ai akuzoi Twitterin dhe përfaqësuesin për Francën, Diel për "bashkëpunim në shpifje publike" dhe "refuzim për t'iu përgjigjur një kërkese zyrtare".

Prokurori Philippe Toccanier duke theksuar se është prishur paqja publike, është penguar funksionimi i duhur i shoqërisë franceze dhe se është "një rrjet antisocial ku humbet toleranca" kërkoi që gjykata të dënojë kompaninë Twitter dhe Vielin me një gjobë maksimale prej 75 mijë eurosh.

Toccanier tha se Twitter Inc, selia e Twitterit, "qëllimisht" refuzoi të jepte informacionin e kërkuar brenda afatit kohor të caktuar nga juridiksioni francez dhe me këtë veprim ka shkelur ligjin.

"Twitter-i është jashtë juridiksionit të Francës"

Drejtori i pandehur Viel, në mbrojtjen e tij para gjykatës tha se 'Twitter France' nuk ruan të dhëna dhe të dhënat e përdoruesit ruhen dhe përpunohen në Twitter Inc në Irlandë.

"Unë jam përgjegjës për zhvillimin ekonomik të Twitter-it dhe asgjë tjetër nuk është përgjegjësia ime", tha Viel, duke shtuar se ai nuk është drejtor i përgjithshëm por ka statusin e përfaqësuesit të vendit.

Avokati i Viel, Karim Beylouni tha se informacioni i kërkuar nga Prokuroria bazohet në vullnetin e mirë të Twitter International, i cili është jashtë juridiksionit të Francës dhe është i lirë të bashkëpunojë ose jo.

Gjykata e shtyu vendimin e saj përfundimtar për një seancë dëgjimore më 21 mars.