Dzihat Aliju
15 Prill 2025•Përditësim: 15 Prill 2025
Në disa qytete të Shteteve të Bashkuara të Amerikës (SHBA) janë mbajtur protesta në mbështetje të palestinezëve si dhe për lirimin e aktivistit dhe studentit Mahmoud Khalil, raporton Anadolu.
Protestuesit, duke përfshirë aktivistë hebrenj, u mblodhën në New York, për të protestuar në mbështetje të palestinezëve që gjenden nën sulmet izraelite.
Protestuesit kërkuan nga autoritetet amerikane lirimin e studentit aktivist pro-palestinez Mahmoud Khalil.
Ndërkaq, protesta janë mbajtur edhe në kryeqytetin e SHBA-së, Washington. Këtu, protestuesit janë mbledhur pranë Agjencisë së Imigracionit dhe Doganave të SHBA-së (ICE).
Protestuesit në qytetin San Francisco të California-s u mblodhën përpara zyrës së Shtetësisë dhe Shërbimeve të Imigracionit (USCIS), për të kërkuar lirimin e aktivistit palestinez Mahmoud Khalil, i cili u arrestua me arsyetimin se ai udhëhoqi demonstratat pro-palestineze.
Demonstruesit brohoritën parulla në mbështetje të Palestinës dhe marshuan në rrugën Sansome për të protestuar kundër sulmeve të Izraelit ndaj Palestinës.
Aktivist pro-palestinez i Universitetit Columbia dhe banor i përhershëm ligjor, u arrestua nga oficerët e ICE-së më 8 mars në banesën e tij në kampus në New York. Ai mund të dëbohet sipas një ligji federal që përdoret rrallë, duke cituar shqetësime të politikës së jashtme.
Studentët në të gjithë SHBA-në, qytetarë dhe jo-shtetas amerikanë, kanë ushtruar të drejtën e tyre për të demonstruar dhe për të folur kundër luftës së Izraelit në Gaza, e cila ka vrarë të paktën 50.900 palestinezë që nga 7 tetori i vitit 2023 dhe e ka shkatërruar më shumë se 90 për qind të infrastrukturës së enklavës.
