Ushtarët armenë sërish hapin zjarr mbi pozicionet e Azerbajxhanit në Nakhchivan

Ministria e Mbrojtjes e Azerbajxhanit njoftoi se trupat e ushtrisë armene hapën zjarr mbi pozicionet e Azerbajxhanit në Republikën Autonome të Nakhchivan-it, transmeton Anadolu Agency (AA).

Ministria tha në një deklaratë se ushtarët armenë hapën zjarr nga fshati Arazdeyen të provincës armene Vedi ndaj pozicioneve të Azerbajxhanit në vendbanimin Hyderabad të provincës Sederek në Nakhchivan në orët e hershme të mëngjesit.

Siç raportohet, incidenti nuk ka rezultuar me viktima.

Ushtarët azerbajxhanas janë kundërpërgjigjur ndaj palës armene në të njëjtën mënyrë.

Ushtria armene dje po ashtu shkeli armëpushimin midis dy vendeve në të njëjtin rajon.