Turqia, organizatore e takimit të bashkëpunimit të Evropës Juglindore

Nesër do të mbahet takimi joformal i Procesit të Bashkëpunimit të Evropës Juglindore (SEECP) në qytetin jugor turistik Antalya, njoftoi Ministria e Jashtme e Turqisë, transmeton Anadolu Agency (AA).

Me kryesimin e ministrit të Jashtëm, Mevlüt Çavuşoğlu, Turqia mori kryesimin e SEECP më 1 korrik për një vit.

Në takim do të diskutohen zhvillimet rajonale, sfidat e përbashkëta si dhe mënyrat për forcimin e bashkëpunimit në Evropën Juglindore mes pandemisë së koronavirusit, thuhet në deklaratë.

Çavuşoğlu do të ketë takime me homologët e tij, ndërsa takimet trepalëshe Turqi-Bosnjë e Hercegovinë-Serbi dhe Turqi-Bosnjë e Hercegovinë-Kroaci do të zhvillohen gjithashtu, shton deklarata.

Përveç marrëdhënieve politike, Turqia ka lidhje të thella historike, kulturore dhe ekonomike me vendet e Ballkanit.

Turqia gjithashtu drejtoi organizatën nga 1998-1999 dhe 2009-2010.

E themeluar në vitin 1996, SEECP përfshin 13 vende nga Evropa Juglindore dhe promovon bashkëpunimin rajonal në sektorë të ndryshëm.