Li Diyarbekirê ji ber baran û bahozê zirar û ziyan çêbû

Li Bismila navçeya Diyarbekirê ji ber baran û bahozê minareya mizgeftekê xera bû û banê hin avahiyan firiyan.

Li Bismilê serê sibehê baran û bahozê bandor kir.

Ji ber bahoz û baranê li Taxa Tepeyê li ser Kuçeya Pinarê minareya Mizgefta Îhlasê xera bû û banê xaniyê li kêlekê xisar dît.

Li taxê dar qelibîn, banê hin avahiyan firiyan û têlên ceyranê qetiyan.

Ekîbên Midûriyeta Hawirdor, Bajarvanî û Guherîna Av û Hewayê ya Diyarbekirê xebatên tesbîtkirina zirar û ziyanê kirin.