Serokomar Erdogan li Çengelkoyê çû ziyareta esnafan

Serokomar Recep Tayyip Erdogan li taxa Çengelkoyê ya Uskudara navçeya Stenbolê çû ziyareta esnafan.

Erdogan derdora nîvro ji mala xwe ya li Kisikliyê derket û çû taxa Çengelkoyê.

Serokomar Erdogan li ser Kolana Prof. Dr. Beynun Akyavaş wesayîta xwe da sekinandin û serdana dikaneke lîstokan kir.

Erdogan li vir ligel esnaf û welatiyan hevdîtin pêk anî, di dikanê da lîstok dan zarokan û xercane da wan.

Erdogan di derketina dikanê da kêfxweşî da welatiyên ku li benda wî bûn.

Li ser vexwendinê, Erdogan çû dikaneke kebaban a li wê derê û li vir ligel karker û muşteriyan sohbet kir. Li vir her wiha xwarin îkramî Erdogan kirin.

Erdogan ligel xebatkarên dikanê wêne da kişandin û piştî serdana esnafan a ku 45 deqîqeyan kişand, silav da welatiyên li aliyê din ê rê.

Erdogan xercane da zarokên ku hatin ba wî û piştra ji herêmê veqetiya.

Di dema serdana esnafan da ji hêla ekîbên Serokomariyê lîstok li zarokên li derdorê hatin belavkirin.