حکوومەتی ئەڵمانیا بە تەواوی ھەناردەی چەکی بۆ سعوودیە راگرت

بەرلین - AA

حکوومەتی ئەڵمانیا بە تەواوی ھەناردەی چەکی بۆ سعوودیە راگرت.

گوتەبێژی وەزارەتی ئابووری و وزەی ئەڵمانیا، فلیپ جۆرنیتز لە کۆنگرەی رۆژنامەوانی رۆژانەی خۆی رایگەیاند کە لە دوای کوژرانی رۆژنامەنووس جەمال خاشقچی، ئەڵمانیا بڕیاری راگرتنی ھەناردەی چەکی نوێی بۆ سعوودیە دەرکردووە.

جۆرنێتز گوتیشی: "ئەڵمانیا بە تەواوی ھەناردەی چەکی بۆ سعوودیە راگرتووە، ئەمە ئەو بەشەش دەگرێتەوە کە پێشتر رەزامەندنی لەسەر دەربڕیوە".

راشیگەیاند کە حکوومەتی وڵاتەکەی لەگەڵ ئەو لایەنە باوەڕپێکراوانە کۆبووەتەوە کە ھەناردەی چەک بۆ سعوودیە ئەنجام دەدەن و لەبارەی پرسی یاسایی بابەتەکەش ھیچ روونکردنەوەیەکی نەدا.