لە قەرس، ئەردەخان، ئاگری و تونجەلی بەفرێکی زۆر باری

قەرس - AA

لە ناوەندی پارێزگاکانی قەرس و ئەردەخان و ناوچە بەرزەکانی ئاگری و تونجەلی بەفر باری.

ئەو بارانە بەلێزمەیەی کاتەکانی شەو قەرسی گرتەوە، کاتەکانی بەیانی بارینی بەفری بەدوادا هات.

لە شارەکەدا کە ڕێگاوبان، شەقام و ئۆتۆمبێلەکان بە بەفر داپۆشران، سەرماوسۆڵەش باڵی بەسەردا کێشا.

لە قەزای ساریکامش بارینی بەفر دەستیپێکرد، و بە ڕۆژيش بەردەوامە، منداڵانیش لە باخچەی قوتابخانەکاندا شەڕە بەفریان کرد.

لە ناوەندی خلیسکێنەی ساریکامش ئاستی بەفری باریو گەیشتووەتە ١٠ سم.

- ئەردەخان

لە پارێزگای ئەردەخان بەفرێکی زۆر باری.

دوای ماوەیەکی کەم لە بارینی بەفر، ناوچەکە بەرگی سپی پۆشی.

ناوچە بەرزەکانی شارەکەش بە بەفر داپۆشران.

- ئاگری

لە ناوچە بەرزەکانی پارێزگای ئاگری بەفرێکی زۆر باری.

لەو شارەدا کە سەرماوسۆڵە باڵی بەسەرداکێشاوە، ناوچە بەرزەکانی بەهۆی بارینی بەفرەوە بەرگی سپیان پۆشیوە.

هەروەها شاخەکانی دەوری شارەکە بە بەفر داپۆشراون.

- تونجەلی

ئەو بارانە بەلێزمەیەی کاتەکانی شەو تونجەلی گرتەوە، کاتەکانی بەیانی بارینی بەفری لە ناوچە بەرزەکان لێکەوتەوە.

دوای باينی بەفر لووتکەی شاخەکانی لە قەزاکانی پولومور و ئاڤاجیک کە نزیکەی سێ هەزار مەتر لە ئاست ڕووی دەریاوە بەرزن بە بەفر داپۆشران.

هاوکات تەمێکی زۆر باڵی بەسەر شاخەکاندا کێشاوە، ئەوەیش دیمەنێکی جوان و قەشەنگی دروست کردووە.