بەهۆی تەقینەوەیەک لە دیمەشق شەش کەس کوژران

ئەنقەرە - AA

لە دیمەشقی پایتەختی سووریا بەهۆی تەقینەوەی مۆتۆڕسکیلێکی بۆمبڕێژکراوەوە، شەش کەس کوژران و ٢٣ کەسی دیکەش بریندار بوون.

ئاژانسی هەواڵی "SANA"ی زمانحاڵی حکوومەتی سووریا، لە هەواڵێكدا ئەوەی خستووەتەڕوو کە تەقینەوەکە لە ئێوارەدا و لە ناوچەی سەیدە زەینەب روویداوە.

باس لەوەش کراوە کە لە ئەنجامی تەقینەوەکەدا شەش کەس کەژراون و ٢٣ کەسی دیکەش بریندار بوون.

لە هەواڵەکەدا ئەوەش خراوەتەڕوو کە دوای تەقینەوەکە تیمەکانی ئاگرکوژێنەوە و پۆلیس گەیشتوونەتە شوێنی رووداوەکە.

تا ئێستاش هیچ لایەنێک بەرپرسیارییەتی خۆی لە تەقینەوەکە رانەگەیاندووە.

جێی ئاماژەیە لە ناوچەی سەیدە زەینەبی شاری دیمەشق، گرووپە تیرۆریستییەکانی پشتیوانکراو لەلایەن ئێرانەوە بە شێوەیەکی چڕ نیشتەجێن.