مەسرور بارزانی بەشداری لە پڕۆسەی ھەڵبژاردن کرد

هەولێر - AA

ئەمڕۆ یەکشەممە، لەمیانی بەڕێوەچوونی ھەڵبژاردنی خوولی شەشەمی پەرلەمانی کوردستان-عێراق، سەرۆکوەزیرانی ھەرێم، مەسرور بارزانی بەشداری پڕۆسەکەی کرد و دەنگی خۆی دا.

دوای دەنگدانەکەی، سەرۆکوەزیرانی ھەرێم، مەسرور بارزانی لە لێدوانێکدا ھیوای خواست کە پڕۆسەکە لە کەشێکی ئارام و بێ کێشەدا بەڕێوە بچێت.

سەرۆکوەزیرانی ھەرێم ڕایگەیاند کە ھەموو کەسێک کە مافی دەنگدانی ھەیە و، ئەمڕۆ بڕیار لەسەر دیاریکردنی نوێنەری خۆیان بۆ پەرلەمان و دیاریکردنی حکوومەتی داھاتووی خۆیان دەدەن.

بارزانی ھیواشی خواست کە خەڵکی ھەرێم ئەمڕۆ پاداشتی خزمەت و ڕاستگۆیی بدەنەوە و سزای ئەو لایەنانەش بدەن کە یاری بە چارەنووس و مافی خەڵکی ھەرێمی کوردستان دەکەن.