Zana Natık Kerem
15 حوزەیران 2020•نوێکردنەوە: 15 حوزەیران 2020
نەینەوا ــ AA
راگەیەندرا كە ئەندامی ئەنجوومەنی نوێنەرانی عێراق، مەحاسن حەمدون دەلی تووشی ڤایرۆسی كۆرۆنای نوێ بوو.
لەوبارەیەوە نووسینگەی ئەنجوومەنی نوێنەران لە پارێزگای نەینەوا راگەیەندراوێكی بڵاوكردووەتەوە و تیایدا ئاماژەی بەوە داوە كە دوای گەڕانەوەی مەحاسن حەمدون دەلی لە بەغدا بۆ پارێزگای نەینەوا، لەلایەن تیمەكانی تەندروستیی نەینەواوە پشكنینی بۆ كراوە.
بەپێی راگەیەندراوەکە، ئەنجامی پشكنینی ئەو ئەندامەی ئەنجوومەنی نوێنەران پۆزەتیڤ بووە و دەركەوتووە هەڵگری ڤایرۆسی كۆرۆنایە.
لە راگەیەندراوەكەی نووسینگەی ئەنجوومەنی نوێنەرانی عێراق لە پارێزگای نەینەوا ئەوەیش خراوەتەڕوو كە مەحاسن حەمدون دەلی لە نەخۆشخانەی سەلام كەرەنتین كراوە و رەوشی تەندروستیی باشە.
