عێراق.. ئاگركەوتنەوە لە كارگەیەکی غاز

بەغدا ــ AA

وەزارەتی ناوخۆی عێراق رایگەیاند كە بە هۆی بەرزبوونەوەی پلەكانی گەرما، ئاگر لە كارگەی غازی ناسرییە سەربە پارێزگای زیقار كەوتووەتەوە و لە ئاكامدا، سێ‌ كەس برینداربوون.

لە راگەیەندراوێكدا گوتەبێژی وەزارەتی ناوخۆی عێراق، سەعد مەعن ئاماژەی بەوەكردووە، بە هۆی بەرزبوونەوەی پلەكانی گەرما، ئاگر لە بارهەڵگرێكی سووتەمەنییدا لەناو كارگەی غازی ناسرییە كەوتەوە.

سەعد مەعن باسی لەوەشكردووە بە هۆی رووداوەكەوە، سێ‌ كەس برینداربوون كە برینی یەكێكیان سەختە، ئاگرەكەش لە لایەن تیمی بەرگریی شارستانییەوە كووژێندراوەتەوە.