مانگی سووری تورکی لە شاری هەولێر قوربانی سەربڕی

هەولێر - AA

رێکخراوی مانگی سووری تورکی، لە شاری هەولێر ٥٠ ئاژەڵی گەورەی سەربڕی.

جێگری سەرۆکی لقی عێراقی رێکخراوەکە، ئیسماعیل ئاتیک، لە شاری هەولێر سەردانی شوێنی سەربڕینی قوربانییەکانی کرد و لە میانەی لێدوانێکیدا بۆ پەیامنێری ئاژانسی ئانادۆڵو باسی لەوە کرد کە هاوشێوەی ساڵانی رابردوو ئەمساڵیش چالاکییەکانی مانگی سووری تورکی لە عێراق بەردەوام بوون و راگەیاند: "ئەمساڵ ٥٠ ئاژەڵی گەورەمان سەربڕی کە ٣٥٠ بەشە گۆشتی تیادەرچوو. بە پشتیوانی خێرخوازانمان لە تورکیا قوربانییەکانمان سەربڕی".

ئاتیک ئاماژەی بەوەشدا کە گۆشتی قوربانییەکە بەبێ جیاوازی بەسەر کەسانی کەمدەرامەتدا دابەش دەکرێت و پیرۆزبایی جەژنی قوربانیشی لە تەواوی جیهانی ئیسلامی کرد.