وەزارەتی ناوخۆی عێراق دەستگیركردنی هەشت تیرۆریستی داعشی رایگەیاند

بەغدا ــ AA

وەزارەتی ناوخۆی عێراق رایگەیاند كە هەشت تیرۆریستی داعش لە پارێزگای نەینەوا دەستگیركراون.

وەزارەتی ناوخۆی عێراق لە راگەیەندراوێكدا ئاماژەی بەوەداوە كە هێزەكانی ئاژانسی هەواڵگریی، هەشت تیرۆریستیان لە ژمارەیەك ناوچەی پارێزگای نەینەوا، دەستگیركردووە.

باس لەوەشكراوە، ئەو تیرۆریستانەی كە دەستگیركراون بەپێی ماددەی چواری تیرۆر بەتۆمەتی ئەندامبوون لە داعش داواكراوبوون و لە بەناو دیوانی جوندی ویلایەتی دیجلە چەكداربوون.

لە راگەیەندراوەكەدا ئەوەیش خراوەتەڕوو کە لە میانی لێكۆڵینەوە بەراییەكاندا، دەستگیركراوەکان دانیان بەوەداناوە كە سەربە داعشن و راشیانگەیاندووە كە لە ماوەكانی رابردوودا، چەندین كردەی تیرۆریستیان ئەنجامداوە.