Либан и Израел го почнаа последниот ден од седмата рунда преговори во Рим

БЕЈРУТ/ИСТАНБУЛ (АА) - Третиот и последен ден од седмата рунда преговори меѓу Либан и Израел, со посредство на Соединетите Американски Држави, почна денес во Рим, изјави либански официјален претставник за Анадолу.

Според изворот, разговорите се фокусирани на механизмите за спроведување на договорот за прекин на огнот, завршување на повлекувањето на Израел од либанската територија и зајакнување на распоредувањето на либанската армија во пограничните области.

Ова е втора рунда преговори што се одржува во Рим откако претходните пет рунди беа организирани во Вашингтон во рамките на преговарачкиот процес под покровителство на САД.

Преговорите се одвиваат во услови на продолжени израелски напади, вклучително и нарушувања на воздушниот простор над Бејрут и Тир, како и воздушни напади и гранатирање во Јужен Либан.

Бејрут и Тел Авив на 26 јуни потпишаа рамковен договор со посредство на САД. Договорот предвидува постепено повлекување на Израел од окупираната либанска територија, почнувајќи со спроведување пилот-модел во определени области.

Израел ги продолжува воените операции во Либан од 2 март. Според либанското Министерство за здравство, досега во нападите загинале 4.333 лица, а 12.250 се повредени.