Одборот за мир ќе претстави план за обновување на Газа вреден 2,45 милијарди долари

Одборот за мир денес ќе претстави шестмесечен план за закрепнување на Газа по војната, вреден 2,45 милијарди долари, објави „Аксиос“, пренесува Анадолу.

Предлог-планот со 66 проекти е резултат на едногодишен придонес од десетици лица што ги претставуваат 28 членки на Одборот за мир и палестинската технократска влада.

Во него се предвидува финансирање за привремено сместување, расчистување на урнатините, поправка на болниците, поддршка на економското закрепнување и распоредување мултинационални безбедносни сили.

„Планот покажува како да се воспостави влада од ништо, економија од урнатини и територија од катастрофа“, изјави претставник на Одборот за мир.

Одборот за мир беше формиран во јануари како дел од поширокиот план на американскиот претседател Доналд Трамп за Газа, при што Трамп е негов претседател.

Иницијативата, поддржана со Резолуцијата 2803 на Советот за безбедност на ОН, има задача да ја надгледува транзицијата на Газа, вклучително и управувањето, безбедноста и обновата.