Пакистанскиот премиер ја потврди посветеноста на суверенитетот на Саудиска Арабија во согласност со Договорот од Мека

Пакистанскиот премиер денес ја потврди посветеноста на земјата кон суверенитетот и територијалниот интегритет на Саудиска Арабија, во рамките на новата трилатералната алијанса од Мека – формирана заедно со Саудиска Арабија и Турција – осудувајќи ги нападите на јеменските Хуси врз кралството, јавува Анадолу.

Шехбаз Шариф ја даде оваа изјава откако Хусите извршија напади врз меѓународниот аеродром „Крал Калид“ во Ријад и меѓународниот аеродром „Абха“, во кои имаше жртви и повредени цивили.

Пофалувајќи ги „будноста и професионалноста“ на саудиските вооружени сили и силите на коалицијата при пресретнувањето на повеќе балистички ракети, како и „нивните неуморни напори за заштита на невините животи и безбедноста на кралството“, Шариф изјави: „Пакистан стои во непоколеблива солидарност со раководството и народот на нашето братско Кралство Саудиска Арабија.“

Во согласност со Договорот од Мека за заедничка одбрана и неодамнешните одлуки на Комитетот за стратегиска политика и одбрана, тој на социјалната мрежа X напиша: „Нашата посветеност кон суверенитетот, територијалниот интегритет и безбедноста на кралството е цврста. Исто така, целосно го поддржуваме легитимното право на Саудиска Арабија да го брани својот народ и да ги штити своите градови и клучната инфраструктура.“

Коалицијата предводена од Саудиска Арабија во Јемен вчера соопшти дека пресретнала и уништила три балистички ракети лансирани од Хусите кон Ријад и Хамис Мушаит.

Воениот портпарол на Хусите, Јахја Сари, соопшти дека дека го нападнале меѓународниот аеродром „Крал Калид“ во Ријад со балистичка ракета, наведувајќи дека нападот го попречил воздушниот сообраќај.

„Милицијата на Хусите мора веднаш да престане со овие напади“, рече пакистанскиот премиер. „Ќе продолжиме да стоиме рамо до рамо со Саудиска Арабија пред овие закани.“

Договорот од Мека беше потпишан на 7 август од страна на Турција, Саудиска Арабија и Пакистан, по што следуваа низа чекори од трите земји членки за институционализирање на договорот.