Bombarduesi ukrainas rrëzohet në rajonin Khmelnytskyi, humbin jetën 2 pilotë

Një bombardues ukrainas Su-24M i vijës së parë është rrëzuar në rajonin Khmelnytskyi gjatë kryerjes së një misioni, duke shkaktuar vdekjen e dy pilotëve të tij, transmeton Anadolu..

Në një deklaratë të publikuar në Telegram, Forca Ajrore e Ukrainës tha se sipas informacioneve paraprake nuk ka pasur viktima civile.

Ajo shtoi se shkaqet dhe rrethanat e rrëzimit janë duke u hetuar.

Sipas deklaratës, ekipet e shpëtimit dhe forcat e rendit po punojnë në vendin e ngjarjes.