Kompania japoneze "Bridgestone" ndërpret shërbimet e saj në Rusi

Prodhuesi japonez i gomave dhe produkteve të gomave "Bridgestone" njoftoi se ka ndërprerë shërbimet e saj në Rusi, transmeton Anadolu Agency (AA).

Kompanitë japoneze në shumë sektorë, përfshirë ekonominë, linjat ajrore, telekomin, vazhdojnë të ndërpresin shërbimet e tyre në Rusi.

"Bridgestone" njoftoi se duke filluar nga fundjava ka ndaluar aktivitetet e saj prodhuese në Rusi.

Kompania e cila ka ngrirë eksportet dhe investimet e reja kundër Rusisë tha se do të vazhdojë të mbështesë financiarisht personelin nën strukturën e saj.

Duke vënë në dukje se ndërprerjet logjistike do të sjellin probleme në furnizimin e pjesëve, kompania tha se edhe kërkesat për produkte kanë rënë.

Kompania ka punësuar rreth 1.000 persona në fabrikën e saj në qytetin Ulyanovsk të Rusisë.

Kompania kërkimore japoneze e kredisë "Teikoku Databank" bëri të ditur se deri në shkurt 2022 në Rusi kanë qenë aktive 347 kompani japoneze.