Siri, dy ushtarë turq bien dëshmorë në Al-Bab

ANKARA (AA) – Së paku dy ushtarë turq kanë rënë dëshmorë, ndërsa tre të tjerë janë plagosur gjatë shpërthimit në pjesën jugore të qytetit sirian Al-Bab, raporton Anadolu Agency (AA).

Në njoftimin e Shtatmadhorisë së Turqisë thuhet se ushtarët turq në orët e pasdites kryenin vëzhgime në terren, në momentet kur ndodhi shpërthimi.

Thuhet ka shpërthyer një mjet i vendosur më herët në rrugë, ku si pasojë ranë dëshmorë dy ushtarë turq, ndërsa tre të tjerë u plagosën. Ushtarët e plagosur janë transferuar në spital dhe janë jashtë rrezikut për jetë.

Në njoftimin e Shtatmadhorisë së Turqisë përcillen mesazhe ngushëllimi për familjet e ushtarëve të rënë dëshmorë, ndërsa për pjesëtarët e plagosur urohet rikuperim sa më i shpejtë.