خاوی برێنت بە ٨٢ دۆلار و ٨٦ سەنت دەفرۆشرێت

ئەنقەرە - AA

بەرمیلێک خاوی برێنت لە بازاڕەکانی جیهاندا، بە ٨٢ دۆلار و ٨٦ سەنت مامەڵەی پێوەدەکرێت.

دوێنێ نرخی بەرمیلێک خاوی برێنت گەیشتە ٨٥ دۆلار و ٥٠ سەنت و رۆژەکەی بە ٨٢ دۆلار و ٦٤ سەنت تەواو کرد.

بەڵام کاتژمێر ٠٩:٠٠ی بەیانی ئەمڕۆ، نرخەکان بەڕێژەی سەدا ٠،٢٦ هەڵکشانیان بەخۆوەبینی و بەرمیلێک خاوی برێنت بە ٨٢ دۆلار و ٨٦ سەنت فرۆشرا.

لە هەمان کاتدا بەرمیلێک خاوی رۆژئاوای تێکساس بە ٨١ دۆلار و ٥٨ سەنت مامەڵەی پێوەکرا.

زیادبوونی نیگەرانییەکان لە هەڵئاوسانی دارایی وزەی ئەمریکا و چاوەڕوانییەکان لە زیاتر خستنە بازاڕی نەوت لەلایەن ئەمریکاوە، وای کردووە نرخی نەوت بەراورد بە چەند رۆژی رابردوو دابەزێت.

دوێنێ چوارشەممە زانیارییەکانی تایبەت بە رۆژانەی بەکارهێنەران ئەوەیان نیشان دا کە لە ئەمریکا نرخی ساڵانە بەڕێژەی ٦،٢ زیادی کردووە، ئەمەش وای کردووە چاوەڕوانییەکان لە زیادبوونی رێژەی سوو و نەخشەڕێگایەکی دارایی خێرا بۆ رێگریکردن لە بەرزبوونەوەی زیاتری دۆلار، روو لە هەڵکشان بکەن.

بەگوێرەی زانیارییەکانی فەرمانگەی زانیاری وزەی ئەمریکا، یەدەگەکانی نەوتی خاو لەو وڵاتە لە هەفتەی رابردوودا یەک ملیۆن بەرمیل (سەدا ٠،٢) زیادی کردووە و گەیشتووەتە نزیکەی ٤٣٥ ملیۆن و ١٠٠ هەزار بەرمیل. لە کاتێکدا وا چاوەڕوان دەکرا یەک ملیۆن و ٩٠٠ هەزار بەرمیل زیاد بکات.