تورکیا.. دەستگیرکردنی سێ عێراقی بە گومانی ئەندامبوون لە داعش

سامسون ــ AA

ھێزە ئەمنییەکانی تورکیا لە میانی ئۆپەراسیۆنێکدا لە پارێزگای سامسون، سێ عێراقیین بە گومانی ئەندامبوون لە داعش دەستگیرکرد.

بەپێی راگەیەنراوێکی بەڕێوەبەرایەتی ئاسایشی پارێزگای سامسون، ھێزەکانی بەرەنگاربوونەوەی تیرۆر ئۆپەراسیۆنێکیان بۆسەر رێکخراوی تیرۆریستی داعش لە پارێزگاکە ئەنجامداوە کە لە میانیدا، سێ عێراقییان بە گومانی ئەندامبوون لە داعش دەستگیرکردووە.

لە راگەیەنراوەکەدا ئاماژە بەوەدراوە کە ھێزە ئەمنییەکان، دەستیان بەسەر ئامێر و کەلوپەلی سێ دەستگیرکراوەکدا گرتووە.