تەم و مژێكی چڕ پارێزگای قەرس و ئەردەخانی گرتەوە

ئەردەخان - AA

بە هۆی دابەزینی پلەکانی گەرمی هەوا، تەم و مژێكی چڕ پارێزگای قەرس و ئەردەخانی گرتەوە.

لە کاتژمێرەکانی شەودا پلەکانی گەرما لە ئەردەخان بۆ خوار پێنج پلەی ژێر سفری سەدی دابەزین.

بە هۆی ساردی هەواوە جامی ئۆتۆمبێل و ڕێگاکانیش بەستیان و تەمێکی چڕ باڵی بەسەر ناوچەکە داکێشا و هەندێک شوێنیش بە زوقم داپۆشران.

لە ساریکامیش سەر بە پارێزگای قەرس پلەکانی گەرمی دابەزین و جامی ئەو ئۆتۆمبێلانەی کە ڕاگیرابوون بەستیان.

سەرماوسۆڵە کاریگەری لەسەر ژیانی ڕۆژانەی خەڵک هەبوو لە ناوچەکەدا.