شەپۆلێکی بەهێزی باران بارین پارێزگای ئانتالیای گرتەوە

ئانتالیا - AA

شەپۆلێکی بەهێزی باران بارین پارێزگای ئانتالیای گرتەوە و کاریگەرییە نەرێنییەکانی لەسەر ژیانی هاووڵاتییان بەردەوامە.

باران بارینەکە لە شەوی رابردووەوە دەستی پێ کرد و ناوبەناو بەهێزتر دەبوو، ئەمەش بووە هۆی کۆبوونەوەی باراناو لەسەر شەقام و کۆڵانەکان.

بەهۆی بارانبارینەکەشەوە لە قەزاکانی کەپەز، کۆنیائاڵتی، ئاکسو، مورادپاشا و فینیکە گرفت بۆ هاتوچۆ دروست بوو.

شۆفێران بەهۆی کۆبوونەوەی ئاو لەسەر رێگاکان، دووچاری ئاستەنگ بوون وژمارەیەک ئۆتۆمبێلیش پەکیان کەوت.

هەروەها بەهێزی با، بووە هۆی هەڵکەندنی هەندێک درەختی شارەکە و زیانیشی بە خانووە پلاستیکییەکان گەیاند.

لە کەناراوەکانی قەزای کۆنیائاڵتی و بەندەری کالەیچی، بەهۆی باوە شەپۆلی گەورە دروست بوون کە بەرزییان دەگەیشتە چوار مەتر، ماسیگرەکانی بەندەرەکە هەوڵیاندا بەلەمەکانیان لە زەرەر و زیان بپارێزن.