مەسرور بارزانی گەیشتە ئەنقەرە

هەولێر - AA

ئەمڕۆ سێشەممە سەرۆکوەزیرانی ھەرێمی کوردستان-عێراق، مەسرور بارزانی بە سەردانێکی فەرمی گەیشتە ئەنقەرە.
​​​​​​​
ماڵپەڕی حکوومەتی ھەرێم بڵاویکردووەتەوە کە لە سەردانەکەیدا سەرۆکوەزیرانی ھەرێم، لەگەڵ سەرکۆماری تورکیا، ڕەجەب تەیب ئەردۆغان ھەروەھا وەزیری دەرەوەی تورکیا، ھاکان فیدان و ژمارەیەک بەرپرسی باڵای دیکەی ئەو وڵاتە کۆدەبێتەوە.

ئەوەش خراوەتەڕوو کە لە دیدارەکاندا، گفتوگۆ لەبارەی پەرەپێدانی پەیوەندیی دوولایەنە و دوایین پێشھاتەکانی دۆخی گشتی عێراق و ناوچەکە و بە تایبەتی گۆڕانکارییەکانی سووریا تاوتوێ دەکرێت.