ئیسرائیل لە کەناری ڕۆژئاوا و ڕۆژهەڵاتی قودس ٢٠ فەڵەستینی دەستگیر کرد

ڕامەڵڵا - AA

هێزەکانی ئیسرائیل لە کەناری ڕۆژئاوا و ڕۆژهەڵاتی قودسی داگیرکراو ٢٠ فەڵەستینیان دەستگیر کرد.

کۆمەڵەی دیلەکانی فەڵەستین لەبارەی هێرشی سوپای ئیسرائیل بۆ سەر کەناری ڕۆژئاوا و ڕۆژهەڵاتی قودسی داگیرکراو بەیاننامەیەکی بڵاوکردەوە.

لە بەیاننامەکەدا هاتووە کە، هێزەکانی ئیسرائیل شەوی ڕابردوو و بەرەبەیان لە کەناری ڕۆژئاوا و ڕۆژهەڵاتی قودسی داگیرکراو ٢٠ فەڵەستینیان دەستگیر کرد.

لە ٧ی تشرینی یەکەمەوە هێزەکانی ئیسرائیل لە کەناری ڕۆژئاوا و ڕۆژهەڵاتی قودسی داگیرکراو سێ هەزار و ٢٠٠ فەڵەستینیان دەستگیر کرد.