روودانی دوو بوومەلەرزە لە سنووری پارێزگای سلێمانی

ھەولێر ــ AA

وەزارەتی گواستنەوەی عێراق رایگەیاند کە دوو بوومەلەرزە بەگوڕی (٤،٦) و (٣،٤) پلە لە‌ قەزای بازیان لە سنووری پارێزگای سلێمانی روویداوە.

بەپێی راگەیەنراوێکی وەزارەتی گواستنەوەی عێراق، دوو بوومەلەرزە بەگوڕی (٤،٦) و (٣،٤) پلە لە دوو کاتی جیاوازدا لە قەزای بازیان روویانداوە.

ئاماژە بەوەیشدراوە کە دانیشتوانی قەزای بازیان و دەورووبەری ھەستیان بە بوومەلەرزەکان کردەووە.

لە راگەیەنراوەکەدا ئاماژە بەوە نەدراوە، لەوەی ئایا بوومەلەرزەکان ھیچ زیانێکی گیانیی و ماددەییان لێکەوتووەتەوە یان نا.