هه‌ولێر..رێوڕەسمی کولتووری تورکمان بەڕێوەچوو

هه‌ولێر - AA

ئەمڕۆ رێوڕەسمێکی تایبەت بە کولتووری تورکمان لە ھەولێر لە ژێر ناونیشانی یەکەمین رێوڕەسمی رۆشنبیری و ھونەری میللی بەڕێوەچوو و ژمارەیەک ھاووڵاتی تورکمان لەشارەکانی ھەولێر، کەرکووک، تەلەعفەر و دووزخورماتوو بەشداربوون و ژمارەیەکیان جلی تایبەت بە نەتەوەی تورکمانییان پۆشی بوو.

لە رێوڕەسمەکەدا دوای خولەکێک وەستان بۆ گیانی شەھیدان، دواتر سروودی نەتەوەیی تورکمان لێدرا و ئامادەبووان بە بێدەنگییەوە وەستابوون و دواتریش رێوڕەسمەکە دەستی پێکرد.

وەزیری ھەرێم بۆ کاروباری پێکھاتەکان ئایدن مەعروف لە ڕێورەسمەکەدا، جەختی لە پەرەپێدانی کولتووری نەتەوەکان کردەوە و ئاماژەی بەوەکرد کە ھەر نەتەوەیەک پێویستە کولتووری خۆی بپارێزێت و ھەرێمی کوردستانیش بە فرە نەتەوەییە جوانە و لەماوەی چەند ساڵی رابردووشدا ئەو پێکەوەژیانە بووەتە بەشێک لە جوانییەکانی ھەرێمی کوردستان.

لە بەشێکی رێورەسمەکەدا، چەند گۆرانی و میوزێکی تایبەت بە تورکمان پێشکەیش کرا و، ژمارەیەک بەشداربووش بە جلی تایبەتەوە، شایی و ھەڵپەڕکێیی جیاوازیان ئەنجامدا.

لە چوارچێوەی رێوڕەسمەکدا کە هەر ئەمڕۆ بەردەوام دەبێت، چەندین پارچە ھۆنراوەی نەتەوەیی و خۆشەویستیی لە تەک ژەنینی میوزیکدا، خوێنرانەوە و ئەمەش ھەستێکی تایبەتی بە ئامادەبووان بەخشی.