دھۆک .. چەند چالاکییەکی ھاوینە لە گوندی بەنێنان

لە گوندی بەنێنان لە قەزای بەردەرەشی سەر بە پارێزگای دھۆک، ئەمڕۆ ئێوارە کۆمەڵێک چالاکی و پێشبڕکێی وەرزشی و خۆفێنککردنەوە لەسەر زێی گەورە بەڕێوەچوو.

ئەم چالاکییە بە ئامانجی دروستکردنی کەشێکی خۆش و پڕکردنەوەی کاتی گەنجان و خێزانەکان لە ھاوینێکی گەرمدا سازکراوە.

گرنگترین بڕگەکانی ئەم چالاکییە بریتیی بوو لە پێشبڕکێی مەلەوانیی کە بە بەشداری ژمارەیەک لە گەنجان ئەم جۆرە وەرزشە بەڕێوەچوو. تێیدا بەشداربووان تواناکانی خۆیان تاقیکردەوە و چەند نمایشێکیان ئەنجامدا.

لە چوارچێوەی چالاکییەکەدا ژمارەیەک لە گەنجان بۆ خۆفێنککردنەوە وێرای مەلەکردن لە ئاوەکەدا.

ھاوکات بە چەند جوولەیەکی سەرنجڕاکێش، سەرنجی ئامادەبووانیان ڕاکێشا و بە گشتی ساڵانە لە وەرزی ھاویندا ئەم چالاکییانە بەڕێوەدەچیت کە تێیدا ھەلێکە بۆ کۆبوونەوەی خەڵک و بەسەربردنی کاتێکی خۆش لە گوندی بەنێنان.