ئەمریکا ١٢٠ ئۆتۆمبێلی زرێپۆشی بە پەکەکە/پەیەدە داوە

حەسەکە/ئەنقەرە - AA

ئەمریکا بەم دواییانە ١٢٠ ئۆتۆمبێلی زرێپۆشی بە رێکخراوی تیرۆریستی پەکەکە/پەیەدە داوە کە لە سووریا پشتیوانی دەکات.

بەپێی ئەو زانیارییانەی ئاژانسی ئانادۆڵو لە سەرچاوە باوەڕپێکراوەکانی لە حەسەکە دەستی کەوتووە، سوپای ئەمریکا ھەفتەی رابردوو ١٢٠ ئۆتۆمبێلی زرێپۆش و دژە مینی رادەستی رێکخراوی تیرۆریستی پەکەکە/پەیەدە کردووە کە لە دەروازەی سنووری سیمیلکای سنووری عێراق-سووریا تێپەڕ بووە.

ئاماژە بەوە کراوە کە رێکخراوەکە لە ئامادەکارییدایە بۆ گواستنەوەی ئۆتۆمبێلی زرێپۆش و سەدان چەکداری بۆ شارۆچکەی عەفرینی ھاوسنووری شاری ھاتای تورکیا هێناوە.

بۆ گواستنەوەی کاروانەکە، پەکەکە/پەیەدە پێویستی بە بەکارھێنانی کۆریدۆری حەلەبی ژێر کۆنترۆڵی رژێمی بەشار ئەسەد و گرووپەکانی لایەنگری ئێران ھەیە.

ئەمریکا پێشتریش بە ھەمان شێوە لە عێراقەوە ھەزاران بارھەڵگری بۆ سووریا گواستەوە و تیایدا چەک و ئۆتۆمبێل و پێداویستی سەربازیی رادەستی پەکەکە/پەیەدە کردبوو.